პროექტის სახელწოდება: "პიტიახშები, მამიკონიანები და ერთი წმინდანი"

1. მთავარი იდეა: პროექტი მიმართულია კულტურათა და იდეათა საერთო ნიშნების ძიებისაკენ  და  წინ წამოსწევს ისეთ ფასეულოებებს, როგორიცაა პიროვნების ღირსება, თავდადება და სწრაფვა იდეალისაკენ, როცა ეს იდეალი სცილდება ვიწრონაციონალურ ფარგლებს და ხდება ზოგადსაკაცობრიო.
2. პროექტის აქტუალობა: ჩვენი რეგიონი (სამცხე-ჯავახეთი) გამოირჩევა ეთნიკური სიჭრელით, განსაკუთრებით  კი -  სომეხი  მოსახლეობის  სიმრავლით.  წარსულის სამაგალითო გმირების გახსენება ხელს შეუწყობს ქართველ და სომეხ მოსწავლეებს შორის ურთიერთპატივისცემისა და ნდობის ატმოსფეროს გაღრმავებას.

3. პროექტის მიზნები:  ქართულენოვანი სკოლებისაგან განსხვავებით, სომხურენოვანი სკოლის მოსწავლეები ნაკლებად იცნობენ ქართლის საპიტიახშოს დედოფალს, ეროვნებით სომეხ  შუშანიკს. პროექტის განხორციელებისას მოსწავლეები შეისწავლიან ქართველი  და  სომეხი ხალხების  იდეალთა საერთოობის სიმბოლოს,  ქართული მართლმადიდებლური ეკლესიის წმინდანის, შუშანიკ დედოფლის ცხოვრებასა და ღვაწლს, მის პიროვნულ სიდიადეს. ქართული სკოლის მოსწავლეების პროექტში მონაწილეობით  სომეხი და ქართველი მოსწავლეები დაუახლოვდებიან ერთმანეთს, სომეხ მოსწავლეებს ექნებათ ქართული ენის პრაქტიკა და, სურვილის შემთხვევაში, შეეძლებათ, სამომავლოდაც გააგრძელონ ურთიერთობები. 

4. მონაწილეთა ასაკი: 14-17 წელი.

5. ვადები/ ხანგრძლივობა: 2 კვირა
6. მოსალოდნელი შედეგები/პროდუქები, რაც შეიძლება შეიქმნას:

•  მოსწავლეები მიიღებენ ცოდნას V საუკუნის საქართველოსა და სომხეთის ისტორიის შესახებ.
• უკეთ გაეცნობიან წმინდა შუშანიკს.
• ისწავლიან ბლოგის შექმნას
• მოსწავლეებს პროექტი ჩაუნერგავს სხვადასხვა მორალური, ნაციონალური და ზოგადსაკაცობრიო ღირებულების პატივისცემას.
• სომეხ მოსწავლეებში ამაღლდება ქართული ენის შესწავლის მოტივაცია.
• მოსწავლეები გახდებიან უფრო ტოლერანტულები.
• დაუახლოვდებიან ერთმანეთს სომეხი და ქართველი მოსწავლეები.

7. პროექტისათვის საჭირო ძირითადი რესურსები:  კომპიუტერი, ფერადი პრინტერი, საკანცელარიო ნივთები. ექსკურსიის ფინანსებისათვის და წარმოდგენის კოსტუმებისათვის იზრუნებს საინიციატივო ჯგუფი.

8. პროექტის მსვლელობა (ძირითადი აქტივობები):
ა) საინიციატივო ჯგუფის შექმნა.
ბ) პროექტის არსის გაცნობა და დაგეგმვა (ფუნქციათა გადანაწილება).
გ) "დედოფალი შუშანიკი" - წარმოდგენის მომზადება.
დ) საღამოსათვის მოსაწვევი ბარათების დაბეჭდვა ქართულ და სომხურ ენებზე.
ე) წმინდა შუშანიკის ხატების მოძიება ინტერნეტში და დაბეჭდვა.
ვ) ვალის N 2 საჯარო  საშუალო სკოლის მოსწავლეთა და მასწავლებელთა მოწვევა შუშანიკისადმი მიძღვნილ საღამოზე.
ზ) ხსოვნისადმი მიძღვნილი საღამოს გამართვა.
   საღამოს გეგმა: 

• "დედოფალი შუშანიკი-თანამედროვე გმირი" - მომხსენებელი თამარ სარაშვილი.
• "ვარდან  მამიკონიანი და მისი ოჯახის ღვაწლი სომეხი ერის წინაშე." - მომხსენებელი  ფ. ასტოიანი .
• "არშუშა პიტიახში და V საუკუნის საქართველო" - მომხსენებელი ხ. ღაზარიანი.
• "დედოფალი შუშანიკი" - სპექტაკლის ჩვენება.
• წმინდა შუშანიკის ხატების დარიგება.

თ) ექსკურსია თბილისში (განსაკუთრებული აქტივობა: მეტეხზე შუშანიკის საფლავის მონახულება).

ი) რამდენიმე მოსწავლის მიერ ესეს დაწერა სათაურით: " დედოფალი შუშანიკი- ქართველი და სომეხი ხალხის გმირი", საჭირო ინფონმაციის ინტერნეტში მოძიება.
კ) კედლის გაზეთის შექმნა, სადაც აღწერილი იქნება პროექტის ქრონიკა და გამოქვეყნდება მოსწავლეთა ესეები.

ლ) ბლოგის შექმნა მოსწავლეთა მიერ და განხორციელებული პროექტის გამოქვეყნება.

9. საგნებთან/ საგნობრივ ჯგუფებთან კავშირი: ქართული მეორე ენა, ისტორია, სომხური ენა და ლიტერატურა, ისტ-ი .

10. პროექტის ხელმძღვანელი: თამარ სარაშვილი
11. ხელმძღვანელის ელ.ფოსტა: tsarashvili@gmail.com
12. პროექტის ვებ-გვერდი/ ბლოგი: გამოქვეყნდება პროექტის დასრულების შემდეგ.
P. S. მას შემდეგ, რაც პროექტში მონაწილეობისათვის მოვიწვევთ ვალის N2 საჯარო  საშუალო სკოლას, შესაძლებელია, ხსოვნისადმი მიძღვნილ საღამოზე ჩვენი შეთავაზებით და მათი ინიციატივით  დაემატოს სახალისო აქტივობები.